Amdanom ni | Website Express - Drupal Developers

Amdanom ni

Cafodd Website Express ei greu gan ddau berson brwdfrydig a deallus iawn am dechnoleg gwybodaeth oedd yn awyddus i gynnig cynnyrch gwell na’u cyfoedion.Website Express was born by two passioate techies, keen to deliver a better product than their peers.

James Forbes Keir - Director

James Forbes Keir FIAP FRSA MBCS – Cyfarwyddwr

Mae James wedi gweithio ym myd TG ers dros 15 mlynedd gan arbenigo’n gynnar iawn ym meysydd y rhyngrwyd, datblygu gwefannau a chyfrifiaduro’r cwmwl. Mae’n frwdfrydig dros sicrhau bod gwefannau bod tro yn fyw, yn wydn, yn atebol ac yn hawdd mynd atyn nhw – gofynnwch i gael gweld ei ddangosfwrdd! Mae o ddifrif am ei Dechnoleg Gwybodaeth ac yn Gymrawd o’r Sefydliad Dadansoddwyr a Rhaglennwyr ac yn aelod o Gymdeithas Cyfrifiaduron Prydain, Cymdeithas Gwarchod Cyfrifiaduron a Chymdeithas Drupal. Mae James hefyd yn gefnogwr brwd o’r Bwrdd Crwn ac mae wedi gwasanaethu am dair blynedd ar Fwrdd Cenedlaethol y Bwrdd Crwn ym Mhrydain ac Iwerddon lle bu’n Swyddog TGCh Cenedlaethol i’r mudiad, gan lwyddo i foderneiddio ei isadeiledd TGCh. Yn ei Fwrdd Crwn lleol mae James yn chwarae rhan allweddol yng ngweithgareddau lleol sy’n codi arian tuag at elusennau fel trefnu’r sioe tân gwyllt, Sparks in the Park, ac eleni mae’n Gadeirydd ar Fwrdd Crwn Pontypridd a Rhondda. Mae James yn Gymrawd o’r Royal Society for the encouragement of Arts, Manufactures and Commerce sef mudiad gwybodus sy’n ymrwymo i ddod o hyd i atebion ymarferol ac arloesol i’r sawl her gymdeithasol sy’n bodoli heddiw, ac sydd hefyd yn cydfynd â nodau cyfrifoldeb cymdeithasol Website Express.

Cysylltwch gyda James ar Linkedin

William Velasco

William Velsaco – Cyfarwyddwr

Tu ôl i olwg dawel William y mae ei feddwl craff yn cuddio, meddwl sy’n gallu datrys materion busnes a threfnu prosesau gwefannau busnesau er mwyn datrys problemau a moderneiddio gweithgareddau. Daw William yn wreiddiol o Feneswela, mae’n rhugl mewn Sbaeneg yn ogystal â Saesneg, ac yn gweithio ar ddysgu Arabeg hefyd! Mae William yn disgrifio ei hun fel person sy’n canolbwyntio ar ddarparu gwasanaeth arbennig, sydd bob tro’n barod i ymgymryd â her ac yn hynod frwdfrydig am wasanaethau ar-lein. “Rydw i’n credu’n gryf mai meithrin perthynas barhaus gyda’i gwsmeriaid ydy’r ateb i ddyfodol unrhyw fusnes”

Cysylltwch gyda William ar LinkedIn

Diwylliant y cwmni

Yma yn Website Express, rydym ni’n credu eich bod chi, ein cwsmeriaid, yn haeddu gwefan o’r safon orau yn y byd. Mae hynny’n golygu gwefan sy’n gweithio’n effeithiol fel offeryn gwerthu i’ch busnes neu fudiad, sy’n eich helpu chi i awtomeiddio a moderneiddio cymaint o brosesau ag y mae’n gallu ac sy’n gadael ichi ganolbwyntio ar edrych ar ôl eich cwsmeriaid ac ehangu eich gweithgareddau.Mae gwefannau yn parhau i esblygu ac rydym ni’n hoffi ymateb yn syth i ddatblygiadau. O ganlyniad i hyn, mae’r rhan fwyaf o’n cwsmeriaid yn aros gyda ni, ac yn hapus i dderbyn awgrymiadau rheolaidd ar sut gallen nhw ddatblygu eu gwefan i gydfynd â newidiadau yn eu busnes.Rydym ni’n frwdfrydig dros ddarparu offer busnes ymarferol sy’n gweithio i’r dim. Mae ein gwasanaethau cynnal o’r safon orau yn y byd, yn ddibynadwy ac yn cynnig system cadw wrth gefn o safon. Maen nhw hefyd yn segur am yr amser byrraf posibl ac yn sicrhau lawrlwythiadau cyflym. Mewn byd cystadleuol, rydym ni’n sicrhau bod eich gwefan bob tro ar gael ac yn ymddangos ar y sgrîn yn syth.

Diwylliant y cwmni

Hanes y cwmni

Hanes y cwmni

Cafodd Website Express ei sefydlu yn 2008, pan ddaeth grŵp o bobl ifanc proffesiynol ym maes TG at ei gilydd i ddechrau darparu gwasanaethau gwefan gwell i gwmnïau yng Nghymru a de orllewin Lloegr. Roeddem ni’n gallu gweld y ffordd ymlaen fyddai’n arwain at wefannau oedd wedi’u cynllunio’n dda, yn rhedeg yn dda, yn hawdd i’w fynd atyn nhw, yn ddibynadwy a chyda chynnwys oedd yn hawdd i’w reoli. Fe wnaethon ni ddewis bod yn fedrus drwy ddefnyddio Drupal i ddatblygu gwefannau; meddalwedd ffynhonnell agored sydd wedi parhau i ddatblygu a ffynnu ac sy’n cael ei defnyddio ledled y byd ar gyfer gwefannau. Mae gan Drupal gymuned datblygu brysur ac rydym ni’n falch o fod yn rhan ohoni. Dydi datblygu gwefannau bellach ddim yn gelfyddyd ddu, ond mae angen i waith datblygu gwefannau fod yn broses gaiff ei rannu ac sy’n arwain at greu gwefannau sy’n gallu gwirioneddol trawsnewid y busnesau maen nhw’n eu cynrychioli. Heddiw, mae Website Express a’i chanolfan yng Nghaerdydd, ac yn darparu gwefannau i gleientiaid ar draws y byd, mewn sawl iaith. Mae ein cleientiaid yn cynnwys mudiadau bach a mawr, o fudiadau busnes, addysg a’r trydydd sector. Mae ein hadeiledd yn un main o hyd, sy’n sicrhau ein bod ni’n datblygu’ch gwefan yn gyflym ac yn rhwydd a’i fod yn sicr o ychwanegu gwerth.

Aelod Fudiad Drupal

Cadarnhad fod Website Express wedi cydnabod arbenigedd mewn defnyddio Drupal i ddatblygu gwefannau; ac yn cyfrannu at ddatblygiad cyffredin Drupal fel safon byd eang ar gyfer llunio gwefannau a’u rheoli.

https://www.drupal.org/node/1171746

Ffederasiwn Busnesau Bychain

Aelod o’r prif gyfrwng ar gyfer cefnogi rhagoriaeth ymysg busnesau lleiaf Prydain.

http://www.fsb.org.uk/

Buddsoddwyr Mewn Pobl

Cydnabod bod datblygiad staff wrth wraidd y mudiad.

http://www.investorsinpeople.co.uk/

ISO 9001

Safon genedlaethol ar gyfer rheoli o safon, gan sicrhau fod gan Website Express brosesau a gweithdrefnau sy’n cydfynd â’r goreuon yn y busnes.

Acquia

Mae Website Express yn bartner gydag Acquia, cyfrwng sy’n helpu defnyddwyr i fanteisio i’r eithaf ar allu Drupal.

http://www.acquia.com/partners/showcase/website-express