Rydym ni’n gweithio gyda Drupal yn unig. Os nad ydych chi’n gyfarwydd â’r maes TG, yr hyn sydd angen ichi wybod ydy fod Drupal yn system llunio gwefannau proffesiynol, o safon ac sydd wedi hen sefydlu a bod mudiadau mawr a bach ledled y byd yn ei ddefnyddio. Os ydych chi’n gyfarwydd â’r maes, dylech chi wybod fod sylfaenwyr Website Express yn ddatblygwyr ac yn ddefnyddwyr profiadol o Drupal sydd hefyd yn cyfrannu at gymuned datblygu Drupal.
Gwefannau’r genhedlaeth nesafMae system fodylaidd Drupal yn unigryw o ran cyflymder a hyblygrwydd. Fel arbenigwyr ym maes datblygu Drupal rydym ni’n gallu llunio gwefannau mawr a chymhleth yn gyflym ac yn ddiogel. Mae creu gwefannau llai yn cymryd diwrnodau yn hytrach nac wythnosau.Fel system ffynhonnell agored, mae datblygwyr ledled y byd yn gwella Drupal o hyd. O ganlyniad i hyn, rydych chi’n cael system sydd wedi’i llwyr chefnogi i gydfynd â’ch busnes ac yn tyfu gyda chi.Mwy am eich arianGyda Drupal does dim ffioedd trwydded. Rydym ni’n rhoi ichi system rheoli gwefannau gyda’r holl nodweddion am ddim sy’n gadael ichi ganolbwyntio mwy o’ch cyllideb ar bethau mae eich cleientiaid am eu gweld, er enghraifft, cynllun, gosodiad neu gynnwys sydd ymysg y goreuon yn y byd.Trwy ddefnyddio Drupal, fe allwn ni sicrhau’r canlynol ichi:
- Hyblygrwydd – cynllun a gosodiad y mae modd ei addasu’n llwyr
- Natur estynadwy - dewis eang o fodiwlau sy'n barod i fynd
- Cefnogaeth gan ddatblygwyr ledled y byd
- Systemau sydd wedi’u diogelu’n gadarn at y dyfodol a’u cefnogi gan dîm byd-eang
- Natur gludadwy - gwefan y mae modd i unrhyw ddatblygwr Drupal ei chynnal a’i chadw
- Dim costau trwydded o gwbl
- Trwydded GNU – gallu ei ddefnyddio a’i addasu am ddim, unrhyw bryd
- Dim ymrwymiad - rydych chi’n rhydd i fynd â’ch gwefan i unrhyw le arall
